Գլխավոր » 2011 » Հոկտեմբեր » 27 » ՏՏ Լրատվական, Տեղեկատվական Տեխնոլոգիաներ
Երևանում կանցկացվի տեսասեմինար՝ Facebook-ի ներկայացուցիչների մասնակցությամբ |
Հոկտեմբերի 31-ին «Նովոստի» միջազգային մամուլի կենտրոնում կանցկացվի տեսասեմինար՝ նվիրված սոցիալական ցանցերում զանգվածային լրատվամիջոցների ինտեգրման հարցերին և այն հնարավորություններին, որոնք Facebook-ը բացում է մեդիա-ընկերությունների համար: «Workshop от Facebook» ուսուցողական տեսասեմինարը կանցկացվի տեսակամուրջի ձևաչափով Մոսկվայի, Սանկտ Պետերբուրգի, Կիևի, Աստանայի, Թբիլիսիի, Քիշնևի, Երևանի, Տոմսկի հետ: Աշխարհի խոշորագույն Facebook սոցիալական ցանցի կողմից մեդիա ընկերությունների համար բացվող հնարավորությունների, ինչպես նաև այդ փոխգործակցության հեռանկարների մասին կպատմեն Ռուսաստանում Facebook-ի պաշտոնական ներկայացուցիչ Եկատերինա Սկորոբոգատովան և Ռուսաստանում, Լեհաստանում, Կորեայում և Արևելյան Եվրոպայում Facebook-ի միջազգային զարգացման մենեջեր Անժելա Ցեն: Նրանք կկիսեն նաև տեղեկություններն այն մասին, թե ինչպես է Facebook-ի օգնությամբ ձևափոխվում հաղորդակցությունը մարդկանց միջև, ինչպես են մարդիկ օգտագործում մեդիա-կոնտենտը, առաջարկում այն իրենց ընկերներին և կիսում ամենատարբեր տեղեկություններն իրենց մասին՝ սկսած մանրուքներից և ավարտած խոշոր իրադարձություններով: «F8 համաժողովում մենք Facebook-ի հարթակում մի շարք կարևոր փոփոխություններ ենք ներկայացրել,- ասում է Անժելա Ցեն: - Այս սեմինարի շրջանակներում մենք կպատմենք, թե ինչը և ինչու է փոխվել, ինչպես կարող են դրա հետ աշխատել ռուսական մեդիան և գործընկերները»: Կներկայացվի Facebook-ի հարթակում «ՌԻԱ Նովոստի» մեդիահոլդինգի փորձը, ինչպես նաև արտասահմանյան առաջատար ԶԼՄ-ների հաջողված գործերը: Նախատեսվում է, որ Facebook սոցիալական ցանցի պրակտիկների ուսուցողական սեմինարին կմասնակցեն ռուսական առաջատար ԶԼՄ-ների, գովազդային և կրեատիվ գործակալությունների ավելի քան 300 ներկայացուցիչներ, ինչպես նաև digital-շուկայի փորձագետներ: Սոցիալական ցանցերի տարածման և մասսայականացման շնորհիվ ժամանակակից մեդիա տարածությունն արմատապես փոխվում է: Նոր մեդիաձևաչափերի ի հայտ գալն օգտատերերին սովորական սպառողներից վերածել է տեղեկության տարածման համակարգի մասնակիցների: Բազմաթիվ ժամանակակից ԶԼՄ-ների համար սոցիալական մեդիան դարձել է աշխատանքային ստանդարտ գործիք: Facebook ծառայության խորհրդատվական բնույթը թույլ է տվել ստեղծել մեդիակոնտենտի փոխանակման խոշորագույն հարթակներից մեկը: Այս սոցիալական ցանցը ԶԼՄ-ներին դիտարկում է որպես գործընկերների և նրանց համար ստեղծում է լսարանի հետ աշխատանքը թեթևացնող տարբեր գործիքներ: Մեդիաընկերությունները և կոնտենտ պրովայդերներն իրենց հերթին, օգտագործելով Facebook-ը, պարզապես ավելացնում են տրաֆիկի ծավալները, բայց, նախևառաջ, ստանում են լսարանի խորն ըմբռնումը և հետագայում այն պահելու գործիքները: Սեմինարն անցկացնում է «ՌԻԱ Նովոստի»-ն Facebook-ի հետ համատեղ: Նախատեսվում է սեմինարի առցանց հեռարձակում ՌԻԱ Նովոստիի 70-ամյակին նվիրված կայքով՝ ՌԻԱ 7.0 (http://ria.ru/ria70/) և Facebook սոցիալական ցանցում ՌԻԱ Նովոստիի ալիքով: |
Հավանել նորությունը
«+9» - հավանությունների քանակ
Դիտումներ: 428 | Ավելացրել է: 3DNewscomm | Հայտնի տեգեր: | Գնահատական: 1.4/9 | Ավելացվել է: 27 October 2011, 18:34 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Եղանակ
Թեգերի ամպ
Վիճակագրություն
Կայքում գտնվում են: 1
Հյուրեր: 1
Օգտվողներ: 0
