3DNews-ի  բաժանորդագրություն
Երկուշաբթի, 29 April 2024
Գլխավոր » 2011 » Հոկտեմբեր » 21 » ՏՏ Լրատվական, Տեղեկատվական Տեխնոլոգիաներ
Ստատիկ IP-հասցե` Hi-Line բաժանորդների համար
«ԱրմենՏել»-ը Hi-Line բաժանորդների համար հայտարարում է «Ստատիկ IP-հասցե» ծառայության գործարկման մասին: Այն նախատեսված է Hi-Line ծառայության անսահմանափակ սակագնային փաթեթների (բացառությամբ «Մեգա+» ՍՓ) բաժանորդ հանդիսացող ֆիզիկական և իրավաբանական անձանց համար: «Ստատիկ IP-հասցե» ծառայությունն ապահովում է համակարգչի մշտական էլեկտրոնային հասցե, որը չի փոխվում համակարգի վերաբեռնավորման կամ ինտերնետին վերամիացման դեպքում: Այն կտրամադրվի ինչպես նոր, այնպես էլ գործող բաժանորդներին գրավոր դիմումի հիման վրա: Ծառայության ակտիվացումն անվճար է, իսկ ամսեկան բաժանորդավճարը կազմում է 500 դրամ:

«Ծառայությունը հատկապես հարմար է այն բաժանորդներին, ում անհրաժեշտ է առանց դժվարության ապահովել իրենց համակարգչի հեռահառ հասանելիությունը, կիրառել մասնագիտացված ծառայություններ կամ խաղեր, որոնք պահանջում են ստատիկ IP-հասցեներ: Այն հնարավորություն կընձեռի մեր բաժանորդներին առավելագույն արդյունավետությամբ և հարմարավետությամբ օգտվել Ինտերնետից տանը կամ աշխատանքի վայրում», - նշեց «ԱրմենՏել» ՓԲԸ գլխավոր տնօրեն Իգոր Կլիմկոն:

Նշենք, որ բաժանորդային վարձ չի գանձվում իրավաբանական անձ հանդիսացող բաժանորդներից, որոնք օգտվում են 1024 կբիթ/վ և ավելի բարձր արագությանբ անսահմանափակ սակագնային փաթեթներից:

Ստատիկ IP-հասցեն համակարգչի ունիվերսալ մշտական IP-հասցե է, որը չի փոխվում կապի յուրաքանչյուր նոր սեանսի ժամանակ: Այն թույլ է տալիս բաժանորդին կազմակերպել համակարգչային տարբեր ծառայություններ, մասնավորապես՝ տեղեկատվության ուղիղ հասցեագրում հատկացված ստատիկ IP-հասցեին, վիրտուալ WEB-սերվերների կազմակերպում տնային կամ գրասենյակային համակարգչում առանց դոմեյնների օգտագործման և գրանցման, Ինտերնետի միջոցով հեռահար մուտքի հնարավորությամբ կորպորատիվ ցանցերի կազմակերպում և այլն:
Հավանել նորությունը
«+10» - հավանությունների քանակ
Դիտումներ: 679 | Ավելացրել է: 3DNewscomm | Հայտնի տեգեր: Armentel, արմենտել, Ip Հասցե, beeline, ինտերնետ | Գնահատական: 1.0/10 | Ավելացվել է: 21 October 2011, 18:56
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]