3DNews-ի  բաժանորդագրություն
Կիրակի, 28 April 2024
Գլխավոր » 2011 » Հոկտեմբեր » 22 » ՏՏ Լրատվական, Տեղեկատվական Տեխնոլոգիաներ
Միջազգային Սեմինար Երեւանում նվիրված հայ գրատպության 500- ամյակին
«Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտը, 2011 թվականի հոկտեմբերի 24-28-ին, Մշակույթի նախարարության եւ Հումանիտար համագործակցության միջպետական հիմնադրամի աջակցությամբ, անց է կացնում «Հիշողության կերպարանքները. ձեռագիր եւ տպագիր ժառանգության պահպանման ու վերականգնման նորագույն տեխնոլոգիաները» միջազգային սեմինար` նվիրված հայ գրատպության 500- ամյակին:

Մասնակցում են ԱՊՀ, Բալթյան երկրների, Վրաստանի, եվրոպական մի շարք երկրների առաջատար արխիվային, գրադարանային եւ թանգարանային հաստատությունների հեղինակավոր մասնագետներ (վերականգնողներ, ֆոնդապահներ, բարձր տեխնոլոգիաների մասնագետներ):

Նախագծի ղեկավար` Արա Խզմալյան, արվեստաբանության թեկնածու, Մատենադարանի արխիվային փաստաթղթերի պահպանման, գիտական մշակման եւ թվայնացման բաժնի վարիչ, ICOM-ի անդամ: Սեմինարը կտա երիտասարդ մասնագետների կատարելագործման, փորձի եւ մասնագիտական գիտելիքների փոխանակման ու կատարելագործման հնարավորություն: Սեմինարի ընթացքում կքննարկվեն մասնագիտական հիմնախնդիրներն ու դրանց հաղթահարման եղանակները, պահպանման եւ վերականգման գործում մասնակից երկրների ձեռքբերումները: Տեսական բնույթից բացի, սեմինարն ունենալու է ընդգծված գործնական նպատակներ:

Սեմինարի շրջանակներում կանցկացվեն նաեւ վարպետության դասեր, առանձին թեմաներին նվիրված կլոր սեղաններ, մշակութային ծրագրեր:

Համագործակցում են Մայր աթոռ սուրբ Էջմիածնի արխիվը, Հայաստանի Ազգային արխիվը:
Հավանել նորությունը
«+10» - հավանությունների քանակ
Դիտումներ: 654 | Ավելացրել է: 3DNewscomm | Հայտնի տեգեր: Matenadaran, գիտահետազոտական ինստիտուտ, Հումանիտար համագործակցություն, Mesrop Mashtoc, Arm Tech, Մատենադարան | Գնահատական: 1.0/10 | Ավելացվել է: 22 October 2011, 19:28
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]