3DNews-ի  բաժանորդագրություն
Հինգշաբթի, 09 May 2024
Գլխավոր » 2012 » Փետրվար » 26 » ՏՏ Լրատվական, Տեղեկատվական Տեխնոլոգիաներ
Հայաստանում կգործի՞ բջջային համարների տեղափոխելիության համակարգը
3DNews ՏՏ Լրատվական - Հայաստանում վերջին շրջանում ակտիվացել են բանավեճերը MNP (համարների տեղափոխելիություն) ծառայության ներդրման ուղղությամբ: Ծառայությունը բջջային կապի բաժանորդին հնարավորություն է տալիս ցանկացած պահի փոխել օպերատորին` առանց համարը փոխելու:

Օրինակ` ձեր համարը կարող է սկսել 091-ով, բայց սպասարկվել «Orange» կամ «Վիվասել» օպերատորների կողմից: Բջջային օպերատորների մոտեցումն այս խնդրի հանդեպ միանշանակ չէ, ինչն արտահայտվեց նաեւ այսօր` փետրվարի 25-ին Աղվերանում ընթացող հեռահաղորդակցության խնդիրներին նվիրված սեմինարի ընթացքում:

MNP ծառայության ներդրմանը կողմ էր «Օրանժ Արմենիայի» ներկայացուցիչը, սակայն «Արմենթել» ընկերությունը մի շարք վերապահումներ ունի: «Armentel»-ի հասարակայնության հետ կապերի պատասխանատու Անուշ Բեղլոյանը ասաց, որ MNP ծառայությունը պետք է ներդնել այն ժամանակ, երբ շուկան Հայաստւնում հավասարակշռվի:

«Այլ հավասար պայմաններում մենք կողմ ենք MNP-ին, սակայն երբ նոր օպերատոր է մտնում բավական հագեցած շուկա, ի հայտ են գալիս խնդիրներ, քանի որ նոր օպերատորը զոհաբերում է իր ընթացիկ շահույթը բաժանորդ ներգրավելու համար: Դրանից տուժում է նաեւ պետական բյուջեն:

Մենք կարծում ենք`MNP ծառայությունը արդյունավետ կարող է լինել միայն այն ժամանակ, երբ շուկայում տարբեր օպերատորների ֆինանսական կարգավիճակը հավասարվի»,- ասաց Ա. Բեղլոյանը:
Հավանել նորությունը
«+30» - հավանությունների քանակ
Դիտումներ: 648 | Ավելացրել է: 3DNewscomm | Հայտնի տեգեր: Armentel, 3DNews, VIVAcell, Արմենթել, orange, Հայաստան, ՎիվաՍել, Օրանժ Արմենիա, Օրանժ, MNP | Գնահատական: 0.4/30 | Ավելացվել է: 26 February 2012, 15:56
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]