3DNews-ի  բաժանորդագրություն
Շաբաթ, 21 Հոկտեմբեր 2017
Գլխավոր » 2012 » Փետրվար » 22 » ՏՏ Լրատվական, Տեղեկատվական Տեխնոլոգիաներ
Հունաստանի արդարադատության նախարարությունը կիբեռհարձակման է ենթարկվել


3DNews ՏՏ Լրատվական - Anonymous հաքերային խմբավորումը կրկին կիբեռհարձակման է ենթարկել Հունաստանի արդարադատության նախարարության կայքը՝ պահանջելով երեք դեռահաս հույն տղաների ազատ արձակումը, որոնք ձերբակալվել են նույն կիբեռհարձակման գործի առիթով։

RTE News-ի փոխանցմամբ` Anonymous-ի տարբեր վստահելի ռեսուրսներ մատնանշում են, որ իրենց գործողությունը նպատակ ունի պաշտպանել երեք դեռահասներին, որոնց կասածում են նախորդ անգամ կատարված՝ Հունաստանի արդարադություն նախարարության կայքին ուղղված կիբերահարձակման մեջ։

Հիշենք, որ փետրվարի 3-ին հանրահայտ Anonymous հաքերային խմբավորումը առաջին անգամ հարձակվել էր Հունաստանի արդարադատության նախարարության կայքի վրա՝ այսպես արտահայտելով իր բողոքն ընդդեմ ACTA օրինագծի, որի տակ ստորագրել է Հունաստանի կառավարությունը։

Վերջին մեկ ամսվա ընթացքում Anonymous հաքերային խմբավորումը կիբերհարձակումների է ենթարկել Ֆրանսիայի, Լեհաստանի, ԱՄՆ-ի կառավարական կայքերը։ Բոլոր այս հարձակումներով խմբավորումը պայքարում է SOPA/PIPA և ACTA օրինագծերի և Megaupload ֆայլերի փոխանակման կայքը փակելու դեմ։

Այս օրինագծերը ենթադրում են ինտերնետի վերահսկում իշխանությունների և հեղինակային իրավունքները կրողի կողմից։ Anonymous-ը հայտնի է 2011-ին կատարած մի շարք DDoS հարձակումներով խոշոր ընկերությունների և կառավարական կայքերին ուղղված՝ PayPal-ին, Visa-ին, MasterCard-ին, Sony-ի PlayStation ցանցին և այլն։

Իր հաղորդագրություններում Anonymous-ը մշտապես հայտնում է, որ պայքարում է այսպես կոչված իշխանությունների՝ ինտերնետը գրաքննելու որոշումների և կաշառակերության դեմ։ Ամբողջ աշխարհում կատարվել և կատարվում են Anonymous խմբի մի շարք անդամների ձերբակալություններ։

Հավանել նորությունը
«+29» - հավանությունների քանակ


Դիտումներ: 269 | Ավելացրել է: 3DNewscomm | Հայտնի տեգեր: 3DNews, ACTA, SOPA/PIPA, anonymous, Հունաստանի արդարադություն նախարարու, ddos, Հաքերային խմբավորում, RTE News, Megaupload | Գնահատական: 0.6/29 | Ավելացվել է: 22 Փետրվար 2012, 15:54





Ընդհանուր Մեկնաբանությունները: 0

Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]