3DNews-ի  բաժանորդագրություն
Երկուշաբթի, 29 April 2024
Գլխավոր » 2011 » Հոկտեմբեր » 21 » ՏՏ Լրատվական, Տեղեկատվական Տեխնոլոգիաներ
Զարթուցիչ, որը գիտի արթնացնելու ճիշտ ժամանակը
Երուսաղեմյան ինժեներական քոլեջի մասնագետները (Թամիլ-Նադու նահանգ, Հնդկաստան) ներկայացրել են զարթուցիչի նոր նախատիպ, որը «գիտի»՝ երբ արթնացնել մարդուն, որպեսզի նա հեշտ վեր կենա և իրեն առույգ զգա:

Սարքը հետևում է ուղեղի աշխատանքին և միացնում ազդանշանն այն ժամանակ, երբ ուղեղը դուրս է գալիս խորը քնից: Քնի ժամանակ ուղեղն աշխատում է մեկուկես ժամանոց ցիկլերով, որոնց ընթացքում կան պահեր, երբ արթնանալու հավանականությունն առավել բարձր է: Եթե մարդն արթնանա այդ պահին, շատ առույգ կզգա իրեն:

Մասնագետներն առաջարկել են քնելուց առաջ գլխին ամրացնել էլեկտրոդներ ու միացնել դրանք զարթուցիչին: «Հույս ունենք, որ ապագայում այդ էլեկտրոդները կդառնան անլար»,-նշել են ինժեներները International Journal of Biomedical Engineering and Technology պարբերականին տված հարցազրույցում:

Զարթուցիչում ներդրված համակարգիչը ուղեղից ստացված ազդանշանների միջոցով «հասկանում» է՝ քնի որ փուլում է գտնվում ուղեղը: Եթե առաջին կամ երկրորդ՝ հնչում է զանգը, եթե երրորդ կամ չորրորդ՝ զարթուցիչը լռում է: Նշենք, որ նախօրոք պետք է կարգավորել սարքը՝ նշելով արթնանալու մոտավոր ժամը:

Ինժեներների խոսքով՝ զարթուցիչին հնարավոր է նաև սովորեցնել ձայնագրել քնի ընթացքը ողջ գիշերվա ընթացքում: Սա կօգնի տեսնել՝ ինչպես է ընթանում քունը և հասկանալ՝ որ ժամն է առավել հարմար արթնանալու համար: Արդյունքում Դուք կքնեք, օրինակ, 45 րոպե պակաս, բայց ավելի հեշտ վեր կկենաք ու ավելի լավ կզգաք:
Հավանել նորությունը
«+17» - հավանությունների քանակ
Դիտումներ: 686 | Ավելացրել է: 3DNewscomm | Հայտնի տեգեր: alarm clock | Գնահատական: 1.0/17 | Ավելացվել է: 21 October 2011, 18:59
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]