Facebook-ը թողարկում է Windows-ի համար նախատեսված ծրագիր
|
Facebook սոցցանցը սկսել է փորձարկել Messenger ծրագիրը, որը նախատեսված է Windows-ի համար: Այն նման կլինի ICQ, Mail.ru Agent ու Yahoo! Messenger ծրագրերին, կունենա չաթ, տեղեկացումների համակարգ և իրական ժամանակում կցուցադրի ընկերների ակտիվությունը: Այսպիսով, օգտագործողները հնարավորություն կունենան առանց դիտարկիչ բացելու օգտվել սոցցանցից:
Messenger-ի բետա-տարբերակն առայժմ հասանելի է սահմանափակ թվով օգտագործողների: Ծրագիրը համատեղելի է Windows 7 օպերացիոն համակարգի հետ, գրում է TechCrunch-ը:
Առայժմ հայտնի չէ՝ արդյոք ծրագրի վերջնական տարբերակը կաշխատի Microsoft-ի ՕՀ-ի այլ տարբերակների հետ, թե ոչ: |
Samsung-ի նոր գովազդը ծաղրում է Apple-ի երկրպագուներին (տեսանյութ)
|
Samsung ընկերությունը թողարկել է Galaxy S II սմարթֆոնի գովազդային հոլովակը, որը ծաղրանքի է ենթարկում Apple-ի սարքերն օգտագործողներին: Հոլովակում Apple-ի երկրպագուներն են, որոնք iPhone 4S-ի համար պատրաստ են երկար հերթ կանգնել Apple Store-ի դիմաց:
«Ինչ-որ մեկը հենց նոր գնաց»,- ասում է հերթում կանգնած աղջիկը: «Ինչու են նրանք գնում, եթե ընդամենը 9 ժամ է մնացել սպասելու»,- հարցնում է մեկ ուրիշը: «Վայ, բլոգում գրում են մարտկոցի խնդիրների մասին»,- ասում է Apple-ի մյուս երկրպագուն՝ ակնարկելով iOS 5-ով աշխատող սարքերի մարտկոցի չափից ավելի արագ լիցքաթափում:
Բացի այդ՝ հոլովակում ծաղրվում է այն միտքը, որ «խնձորային» արտադրանքներն ավելի հաճախ ընտրում են ստեղծագործող մարդիկ:
...
Կարդալ շարունակությունը »
|
Одноклассники.ru-ի օգտագործողներին հնարավոր կլինի փնտրել Google-ում
|
Mail.Ru Group-ը, որը տնօրինում է «Одноклассники» սոցցանցը, շուտով թույլ կտա որոնել օգտագործողներին որոնողական համակարգերում՝ Google-ում կամ Yandex-ում:
Ինչպես հաղորդել է «Odnoklassniki»-ի ղեկավար Իլյա Շիրոկովը, արդեն այսօր Mail.Ru-ի որոնողականը կսկսի ինդեքսացնել սոցցանցի էջերը, հաղորդում է Вести-ն:
Նրանք, ովքեր սոցցանցի օգտագործողի էջ մուտք կգործեն որոնողականի միջոցով, կտեսնեն միայն հիմնական տվյալները՝ անունը, սեռը, տարիքն ու գլխավոր նկարը: Ընդ որում՝ օգտագործողը կկարողանա ինքը որոշել ՝ երևալ որոնողականներում, թե ոչ: |
Orange-ը մեկնարկում է մինչև 42 Մբ/վ ներբեռնման արագություն ապահովող ցանցի փորձարկումը
|
Այսօր Orange-ը հայտարարեց Հայաստանի երեք մեծ քաղաքներում` Երևանում, Գյումրիում և Վանաձորում, մինչև 42 Մբ/վ ներբեռնման արագություն ապահովող նորագույն 3G+/HSPA տեխնոլոգիաների վրա հիմնված ցանցի թեստային գործարկման մասին: Հյուսիսային պողոտայում գտնվող Orange-ի գլխավոր խանութում այսօր լրատվամիջոցների ներկայացուցիչների մասնակցությամբ անցկացվեց գերարդիական այս տեխնոլոգիայի փորձարկումն իրական ցանցում: Թեստերի ժամանակ գրանցված առավելագույն արագությունն էր 39Մբ/վ, իսկ միջինում այն տատանվում էր 32Մբ/վ-ի և 37Մբ/վ-ի միջև:
Նոր` մինչև 42 Մբ/վ ներբեռնման արագություն ապահովող ցանցը թույլ է տալիս հաշված վայրկյանների ընթացքում բեռնել երաժշտություն, ֆիլմեր, ծրագրեր, խաղալ առցանց խաղեր, ինչպես նաև ֆիլմեր դիտել ինտերնետում առանց ընդհատումների, նույնիսկ HD որակով:
«Ֆրանս Տելեկոմ Խմբի աջակցությամբ Orange-ը կրկին նոր որակական չափանիշներ է սահմանում հայաստանյան շարժական ինտերնետի ոլորտում: Հպարտ ենք կիսել մեր այս նոր ձեռքբերումը մեր
...
Կարդալ շարունակությունը »
|
Կոնտակտային ոսպնյակները կվերածվեն էկրանների
|
Գիտնականները մշակել են կոնակտային ոսպնյակի նախատիպ, որի մեջ ներդրված է էկրան: Այն արդեն հաջող կերպով փորձարկվել է նապաստակների վրա: Փորձարկվող ոսպնյակներում տեղադրված է եղել մեկ պիկսել թույլատրությամբ էկրան. ապագայում նախատեսվում է մեծացնել պիկսելների քանակը, որպեսզի հնարավոր լինի ոսպնյակի մեջ դիտել էլ-փոստի նամակներն ու sms-ները: Հաղորդում է BBC-ն:
Ոսպնյակները մշակվել են ԱՄՆ-ի Ջորջ Վաշինգտոնի և Ֆինլանդիայի Աալտո համալսարաններում: Դրանք բաղկացած են ալեհավաքից, որը որսում է դրսից եկող էներգիան, և ինտեգրալ սխեմայից, որը պահպանում է այդ էներգիան ու փոխանցում այն թափանցիկ չիպին:
Հետազոտողները նշում են, որ այսպիսի ոսպնյակներն օգտակար կլինեն հատկապես նավիգացիոն համակարգեր կամ խաղային սարքեր օգտագործողներին: Դրանք կարող են կիրառվել նաև բժշկական նպատակներով
...
Կարդալ շարունակությունը »
|
2011թ. ՎիվաՍել-ՄՏՍ-ը ՏՏ ոլորտում կատարել է 100 մլն դրամի ներդրում
|
Տեղեկատվության և հաղորդակցության ոլորտին VIVAcell-MTS-ի աջակցությունը համակարգային, համապարփակ և շարունակական բնույթ է կրում, ներառում է մի շարք ուղղություններ` ապահովելով սիներգետիկ էֆեկտ: 2011-ին, այս բնագավառում իրականացվող ծրագրերի աջակցության նպատակով, ընկերությունը կատարել է ավելի քան 100 մլն դրամի ներդրում: Այս մասին այսօր լրագրողների հետ հանդիպմանն ասավ ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
Ընթացիկ տարում ՎիվաՍել-ՄՏՍ-ը հովանավորել է ՏՏ ոլորտի մի շարք միջոցառումներ` «ՏՏ ոլորտում համաշխարհային ներդրման համար Հայաստանի Հանրապետության նախագահի մրցանակաբաշխությունը», Հայաստանում միկրոէլեկտրոնիկայի միջազգային օլիմպիադան, որի կազմակերպիչը «Սինոփսիս Արմենիա» ընկերությունն է:
Ընկերությունն աջակցել է նաև «ՏՏ ոլորտում լավագույն մենեջեր» ամենամյա մրցանակի նախաձեռնությանը, որը նպատակ ունի բարձրացնելու ՏՏ ոլորտում աշխատող հայ մենեջերների մասնագիտական որակը, ինչպես նաև բարելավելու աշխատանքային գործընթացների կազմակերպումը և կառավարումը:
...
Կարդալ շարունակությունը »
|
Ֆեյսբուք սոցցանցն անահասանելի է օգտագործողների մի մասին
|
Երևանի ժամանակով 17.00-ից Facebook սոցցանցում նկատվել են մի շարք խնդիրներ. անհայտացել է չաթը, էջն ամբողջությամբ չի բեռնվում, իսկ որոշ օգտագործողներ չեն կարողանում մուտք գործել ցանց ընդհանրապես:
Ֆեյսբուքի մոսկովյան գրասենյակի ներկայացուցիչները «РИА Новости»-ին չեն կարողացել ասել՝ օգտագործողների քանի տոկոսն է խնդիրների առջև կանգնել: Պատճառների մասին կրկին ոչինչ չի հաղորդվել: |
|
