Գլխավոր » 2011 Հոկտեմբեր 31 » ՏՏ Լրատվական, Տեղեկատվական Տեխնոլոգիաներ
Ucom-ի մասնաբաժինն ինտերնետ-շուկայում կմնա նույնը |
Հունիս-սեպտեմբերի ամիսներին Ucom ընկերության մասնաբաժինը աճել է 2.01%-ով (հունիսին՝ 8.97%, իսկ սեպտեմբերին՝ 10.98%): Սակայն այս աճի մեծ մասը բաժին է ընկնում Ucom-ի մասնաբաժնին գումարված iCON-ի և Netsys-ի մասնաբաժիններին, քանի որ սեպտեմբերին ընկերությունը ձեռք է բերել վերոհիշյալ պրովայդերները: Եթե հաշվի չառնենք Netsys-ի և iCON-ի գումարված ցուցանիշները, ապա պարզ է դառնում, որ հունիս-սեպտեմբեր ամիսների ընթացքում Ucom-ի աճը գրեթե դադարել է: «Circle.am»-ի (www.circle.am) և «Բիզնես 24»-ի (www.b24.am) համատեղ զեկույցի համաձայն՝ սեպտեմբերին, մայիսի համեմատ, Ucom-ի մասնաբաժինն աճել է 2.78 տոկոսային կետով և կազմել 10.98%: 2010թ.-ի սեպտեմբերի համեմատ ընկերության մասնաբաժինն աճել է 6.46 տոկոսային կետով: 2010թ. փետրվարից Ucom-ը շարունակում էր մնալ ամենաարագ աճող պրովայդերը: 2010թ.-ի փետրվար ամսին Ucom-ը զբաղեցնում էր առաջատար տասնյակի 8-րդ հորիզոնականը, 2010թ.-ի սեպտեմբերին` 6-րդ, իսկ այժմ` 3-րդ: 2011թ.-ի հուլիս և օգոստոս ամիսներին առաջին անգամ արձանագրվել է Ucom-ի մասնաբաժնի նվազում: «Տպավորություն է ստեղծվում, որ կլանելով Netsys-ը և iCON-ը` Ucom-ը «ցանցային էքսպանսիան» փոխարինել է «բիզնես էքսպանսիայով»: Պետք է նշել, որ iCON-ի «ենթակառուցվածքները» կարող են Ucom-ին հնարավորություն տալ Երևանում կտրուկ կերպով մեծացնել ինտերնետի և ֆիքսված հեռախոսակապի ծառայությունների տրամադրման աշխարհագրությունը: Ամեն դեպքում, առաջիկա ամիսները ցույց կտան, թե որքանով էր արդյունավետ Ucom-ի նման քայլը»,-նշվում է զեկույցում: Նշենք, որ Beeline-ը ոչ միայն շարունակում է մնալ բացարձակ առաջատար, այլ նաև մեծ հաջողությամբ ավելի է ամրապնդում իր դիրքը: Սեպտեմբերին պրովայդերի մասնաբաժինը կազմել է 48.83%: Երկրորդ տեղում է Orange-ը` 17.41%, մասնաբաժնով, իսկ չորրորդ տեղում՝ Vivacell-MTS-ը, որը մեկ հորիզոնականով նահանջել է՝ չնայած մայիս ամսվա համեմատ գրանցած .24 տոկոսային կետ աճին: |
Հավանել նորությունը
«+8» - հավանությունների քանակ
Դիտումներ: 490 | Ավելացրել է: 3DNewscomm | Հայտնի տեգեր: | Գնահատական: 1.0/8 | Ավելացվել է: 31 October 2011, 18:02 |
| Ընդհանուր Մեկնաբանությունները: 0 | |
3DNews-ի ժամը
Քվեարկե՛ք
Բաժանորդագրվել
Կարդացեք նաև
Մեր Հարցումը
3DNews-ի Twitter-ը
Օրացույց
Եղանակ
Թեգերի ամպ
Վիճակագրություն
Կայքում գտնվում են: 1
Հյուրեր: 1
Օգտվողներ: 0
