3DNews-ի  բաժանորդագրություն
Կիրակի, 29 June 2025
Գլխավոր » 2011 » Հոկտեմբեր » 31 » ՏՏ Լրատվական, Տեղեկատվական Տեխնոլոգիաներ
Facebook-ը կգրանցի միլիարդերորդ օգտագործողին 2012թ. Տեսասեմինար Երևանում
«Կարծում եմ՝ հաջորդ տարվա ընթացքում կտոնենք միլիարդերորդ օգտագործողի գրանցումը», այս մասին այսօր ընթացող տեսասեմինարի ընթացքում ասաց Արևելյան Եվրոպայում Facebook-ի միջազգային զարգացման մենեջեր Անժելա Ցեն:

Նա հանգամանալից ներկայացրեց սոցցանցի պրոֆիլների նոր ֆորմատը՝ Timeline-ը (ժամանակացույց), որը ցուցադրում է օգտագործողի կողմից արված գրառումները, նկարները և այլ բովանդակություն՝ ըստ ժամանակագրական հերթականության (ակտիվացնելու համար այցելեք այստեղ):

«Այս նոր հարթակը թույլ կտա զարգացնել սոցիալական փլագինները, որոնք կհեշտացնեն կապը ցանկացած կայքի հետ»,-ասաց Ցեն՝ նշելով, որ ցանցում կավելացվեն մի շարք նոր կոճակներ, որոնք թույլ կտան միաժամանակ կարդալ, լսել ու տեսնել այն ամենը, ինչ անում են ընկերները: Facebook-ի ներկայացուցիչը նշեց, որ նոր մեդիակոճակները կակտիվանան մի քանի շաբաթվա ընթացքում:

Ցեն խոսեց նաև սոցցանցի բաժանորդագրության ֆունկցիայի մասին, որը թույլ է տալիս նույնիսկ առանց ընկերներ լինելու ստանալ օգտագործողի գրառումներն ու հրապարակումները (եթե դրանք փակ չեն): Նրա խոսքով՝ այս ֆունկցիան հատկապես օգտակար է բլոգներների, լրագրողների համար, ովքեր ուզում են կիսվել իրենց գործունեությամբ:

Ցեն նկատեց, որ սոցցանցում վերջին շրջանում նկատվել է մեդիա-ընկերությունների ակտիվություն:

«Новости Армения»-ի ներկայացուցչության այն հարցին , թե ինչպես է կատարվում ընտրությունը հազարավոր գրառումների դեպքում և ինչ սկզբունքով են դրանք ցուցադրվում, Ցեն պատասխանեց, որ դա կախված է նախ ընկերների ակտիվությունից և, իհարկե, ընկերների թվից, իսկ ալգորիթմը, որն օգտագործվում է News Feed-ում (լրահոսում) անընդհատ կատարելագործվում է:

Նշենք, որ «Workshop от Facebook» ուսուցողական տեսասեմինարն անցկացվում է տեսակամուրջի ձևաչափով Մոսկվայի, Սանկտ-Պետերբուրգի, Կիևի, Աստանայի, Թբիլիսիի, Քիշնևի, Երևանի, Տոմսկի միջև:
Հավանել նորությունը
«+7» - հավանությունների քանակ
Դիտումներ: 501 | Ավելացրել է: 3DNewscomm | Հայտնի տեգեր: Անժելա Ցե, Новости Армения, facebook armenia, Workshop от Facebook, Timeline, facebook users, Facebook | Գնահատական: 1.6/7 | Ավելացվել է: 31 October 2011, 18:08
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]