3DNews-ի  բաժանորդագրություն
Կիրակի, 29 June 2025
Գլխավոր » 2011 » Հոկտեմբեր » 31 » ՏՏ Լրատվական, Տեղեկատվական Տեխնոլոգիաներ
Վարչապետ. Հայաստանում ինտերնետը դարձել է սովորական ընտանիքի համար անբաժանելի մաս
Երեք տարի առաջ մեկ մեգաբիթ ինտերնետ կապը Հայաստանում արժեր մեկ միլիոն 200 հազար դրամ, իսկ այսօր այն արժե 34 հազար դրամ: Դա էական առաջընթաց է, քանի որ հնարավորություն է տալիս ապահովել ինտերնետի հասանելիությունը: Այդ մասին հոկտեմբերի 30-ին կայացած ՀՀԿ տնտեսական կոնֆերանսի ժամանակ ասել է Հայաստանի վարչապետ Տիգրան Սարգսյանը:

«Մի շարք գործոններ կան, որոնք ազդել են գների նվազման վրա: Առաջինը, Հայաստանի կառավարությունը տեղեկատվական տեխնոլոգիաների եւ հեռահաղորդակցության ոլորտը հռչակել է որպես առաջանահերթություն: Ունենք խորհուրդ, որում ներառված են մասնավոր հատվածի ներկայացուցիչները, որոնք մեզ հետ միասին քննարկում են համալիր միջոցառումների ծրագրի իրականացման ընթացքը, որի նպատակն է ստեղծել բարենպաստ միջավայր այս ոլորտի զարգացման համար»,- նշել է նա:

Վերջինիս խոսքով, Հայաստանում իրականացվել են օրենսդրական փոփոխություններ, ընդունվել բազմաթիվ նորմատիվային ակտեր, հանձնարարականներ են տրվել բոլոր գերատեսչություններին` վերացնելու համար այն գործառույթները, որոնք խոչընդոտում են տեղեկատվական տեխնոլոգիաների զարգացմանը: «Եթե ընդամենը երեք տարի առաջ մենք ունեինք 80 հազար ինտերնետից օգտվող, ապա այսօր այդ թիվը կազմում է 350 հազար: Սա հանրության բավական լուրջ զանգված է: Ինտերնետն այսօր սովորական ընտանիքի համար դարձել է անբաժանելի մաս»,- նկատել է Տիգրան Սարգսյանը:
Հավանել նորությունը
«+10» - հավանությունների քանակ
Դիտումներ: 376 | Ավելացրել է: 3DNewscomm | Հայտնի տեգեր: armenia, Arm Tech, վարչապետ, Հայաստանի կառավարություն, ինտերնետ կապ, Հայաստան | Գնահատական: 1.4/10 | Ավելացվել է: 31 October 2011, 13:56
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]