3DNews-ի  բաժանորդագրություն
Կիրակի, 29 June 2025
Գլխավոր » 2011 » Հոկտեմբեր » 30 » ՏՏ Լրատվական, Տեղեկատվական Տեխնոլոգիաներ
Աշխարհում առաջին համացանցային տոնավաճառն է բացվել
Աշխարհում առաջին համացանցային տոնավաճառն անցկացվում է Ֆրանսիայում: Նոր կայքը համաշխարհային ցանցում իր այցելուներին առաջարկում է դիտել վիրտուալ ցուցադրությունը, որը ներկայացնում է ֆրանսիական 120-ից ավելի ընկերությունների արտադրանքը:

Գնումներ կատարելուց առաջ հարկավոր է գրանցվել կայքում: Դրանից հետո համացանցային շուկայի այցելուն հայտնվում է վիրտուալ ցուցասրահում: Նրա առջեւ բացվում են մի քանի տաղավարներ. «Կահույք», «Մարզական ապրանքներ», «Գաստրոնոմիա», «Կոսմետիկա» եւ «Ծառայութոյւններ»: Դրանցից ամեն մեկը բաղկացած է 5 մասերից, ըստ առաջարկվող արտադրանքի:

Յուրաքանչյուր ընկերություն ունի իր սեփական ցուցափեղկը, որի վրա ներկայացված են ապրանքների տեսագրությունները, գնորդների արձագանքները, գովազդային գրքույկներ: Հենց տեղում կարելի է պատվիրել դուր եկած ապրանքը: Ընդ որում, վաճառողը, ինչպես իրական շուկայում, զեղչեր է առաջարկում: Եթե տաղավարներով թափառելը ձանձրացնի, գնորդների համար գործում է վիրտուալ համերգասրահ, որտեղ կարելի է ընտրել ցանկացած համերգի տեսագրություն եւ օն-լայն ռեժիմով շփվել երաժիշտների հետ Facebook սոցիալական ցանցի միջոցով:

Համացանցային տոնավաճառի ստեղծման համար Aerial Conseil-ը ծախսել է 100 հազար եվրո: Ստենդի արժեքը վաճառողի համար կկազմի 600-1200 եվրո: Վիրտուալ շուկան այցելուների համար բաց կլինի մինչեւ այս տարվա նոյեմբերի 20-ը, հայտնում է ԻՏԱՌ-ՏԱՍՍ-ը:
Հավանել նորությունը
«+8» - հավանությունների քանակ
Դիտումներ: 428 | Ավելացրել է: 3DNewscomm | Հայտնի տեգեր: Գաստրոնոմիա, Աշխարհում առաջին համացանցային տոնավ, Aerial Conseil, Կոսմետիկա, կահույք | Գնահատական: 1.5/8 | Ավելացվել է: 30 October 2011, 15:39
Ընդհանուր Մեկնաբանությունները: 0
Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]