3DNews-ի  բաժանորդագրություն
Կիրակի, 20 Օգոստոս 2017
Գլխավոր » 2012 » Հունիս » 17 » ՏՏ Լրատվական, Տեղեկատվական Տեխնոլոգիաներ
Հայաստանը պատրաստվում է արտահանել հերթերը կարգավորող սարքեր


3DNews ՏՏ Լրատվական - «Լայմ Թեք» ընկերությունը 2008 թ. Հայաստանում արտադրում է սենսորային էկրանով տերմինալներ, որոնք նախատեսված են բիզնեսի տարբեր ճյուղեր ավտոմատացնելու համար:

Այդ մասին NEWS.am-ին ասաց «Լայմ Թեթ» ընկերության տնօրեն Գեւորգ Սաֆարյան: Ընկերությունն իր արտադրանքները ներկայացրել է նաեւ «Դիջիթեք բիզնես ֆորում»-ին: Հիմնական արտադրանքը սպասարկման սրահներում հերթերի կառավարման համակարգն է: Նման համակարգեր ներկայում տեղադրված են հեռահաղորդակցական ընկերություններում, բանկերում, որտեղ օրվա որոշակի ժամերի հաճախորդների մեծ հոսքեր են լինում:
Ըստ Գ. Սաֆարյանի` եւ ծրագրային ապահովումը, եւ տերմինալը ամբողջությամբ արտադրվում է Հայաստանում: Ընկերությունը ներկայում աշխատանքներ է իրականացնում դրսի շուկաներում ներկայությունն ապահովելու համար, քանի որ արտասահմանյան նմանատիպ արտադրանքներից տարբերվում է ավելի բարձր ծրագրային ապահովմամբ, ինչպես նաեւ` ավելի մրցունակ գներով: Կան ծրագրային լուծումներ, որոնք առաջինը ստեղծվել են հենց հայկական ընկերությունում:

Գ. Սաֆարյանի խոսքով` արտասահմանյան ընկերությունները առավելություն ունեն շուկայում ներկայացվածության, շուկայի չափերի, արտադրության ծավալների առումով: Մասնավորապես` տերմինալներն արտադրում են հոսքային գծերի վրա, այնինչ հայկական ընկերությունը, շուկայի փոքր ծավալների պատճառով, դեռեւս կիրառում է ոչ հոսքագծային տեխնոլոգիաներ:

Հավանել նորությունը
«+8» - հավանությունների քանակ


Դիտումներ: 681 | Ավելացրել է: 3DNewscomm | Հայտնի տեգեր: Լայմ Թեք, 3DNews, News.am, Դիջիթեք բիզնես ֆորում | Գնահատական: 1.0/8 | Ավելացվել է: 17 Հունիս 2012, 13:36





Ընդհանուր Մեկնաբանությունները: 0

Չկան մեկնաբանություններ
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]