3DNews-ի  բաժանորդագրություն
Ուրբաթ, 03 May 2024
Գլխավոր » 2012 » Մայիս » 2 » ՏՏ Լրատվական, Տեղեկատվական Տեխնոլոգիաներ
Գյումրիի ՏՏ կետրոնը Android-ի ծրագրավորողների բիզնես-թիմ կհավաքի
3DNews ՏՏ Լրատվական - Գյումրիի ՏՏ կենտրոնը (GITC) Android-ի, BlackBerry-ի եւ iOS-ի ծրագրավորողների բիզնես-թիմ կհավաքի: Այդ մասին NEWS.am-ի թղթակցին ասաց կենտրոնի գործադիր տնօրեն Ամալյա Եղոյանը: Թիմը կկազմավորվի 2 ամսից` ուսումնական դասընթացի ավարտից հետո:

Դասընթացը բացվել է «Ձեռնարկությունների ինկուբատոր» հիմնադրամի (EIF) աջակությամբ: «Պատվերների որոնման մեջ մեզ կաջակցի նաեւ մեր դոնորներից մեկը` Fund for Armenian Relief (FAR) կազմակերպությունը»,-նշել է Ա. Եղոյանը: Այս պահին կենտրոնում գործում է նաեւ համակարգչային անիմացիայի դասընթաց:

«Այստեղ նույնպես շրջնավարտները կկարողանան ներգրավվել բիզնես-նախագծերի մեջ: Այդ նպատակով Գյումրիի տեխնոպարկի ղեկավարությունը գործընկերային կապեր է ստեղծում Երեւանի անիմացիոն ստուդիաների հետ», -ասել է Ա. Եղոյանը:

«Մեր կենտրոնը Շիրակի մարզի ՏՏ ձեռնարկությունների հիմնական կադրային բազան է: Սեփական շրջնավարտներից էլ մենք ընդունում ենք դասավանդողներ, այդ թվում` նոր լաբորատորիաների համար»,- հավելել է GITC-ի տնօրենը:

GITC-ն հիմնադրվել է 2005 թ. օգոստոսին` որպես ծրագրավորման ուսումնական կենտրոն: Այն համագործակցում է D-Link ցանցային տեխնոլոգիաների նախագծման ոլորտում, Microsoft-ի (կենտրոնը MS ծրագրերի դասավանդման հավաստագիր է ստացել), ինչպես նաեւ VivaCell-MTS-ի и Orange Armenia-ի հետ, որոնք կենտրոնի ուսանողներին աջակցում են աշխատանքային պրակտիկայի հարցում:
Հավանել նորությունը
«+12» - հավանությունների քանակ
Դիտումներ: 812 | Ավելացրել է: 3DNewscomm | Հայտնի տեգեր: BlackBerry, GITC, 3DNews, android, FAR, iOS, EIF, VivaCell-MTS, Orange Armenia | Գնահատական: 0.7/12 | Ավելացվել է: 02 May 2012, 21:34
Ընդհանուր Մեկնաբանությունները: 1
Կա 1 մեկնաբանություն
Խաչիկ Որն է Հենց ՏՏ կենտրոնի գլխավոր սաիթը?
21 August 2012 в 22:26
Միայն գրանցված օգտվողները կարող են ավելացնել մեկնաբանություն
[ Գրանցվել | Մուտք ]