3DNews ՏՏ Լրատվական

Ի՞նչ է SMS հաղորդագրությունը: հնարավորություններ և հետաքրքիր փաստեր

3DNewscomm — Mon, 19 Mar 2012 20:28:59 GMT

3DNews ՏՏ Լրատվական - SMS հաղորդագրություն - նշանակում է կարճ հաղորդագրությունների ծառայություն: Ինչու կարճ, քանի որ կարող ես գրել 140- 160 նիշի սահմաններում: Ըստ որոշ վիճակագրական տվյալների բջջային հեռախոս ունեցող մարդկանց միայն 40 տոկոսն է գրում sms:

Հոգեբանները պնդում են, որ մարդիկ sms գրելիս ավելի հեշտ են ստում, քան բջջայինով խոսելիս: Իսկ ամերիկացիները տարեկան 830 միլիարդ դոլար են ծախսում ամեն տարի sms հաղորդագրություն գրելու համար: Ի դեպ՝ Առաջին sms հաղորդագրությունն ուղարկվել է 1992 թ. դեկտեմբերի 25-ին Անգլիայում:

Ամենից շատ sms ուղարկում են աղջիկները, քան` տղաները, և որոշ մասնագետներ կարծում են, որ ինտերնետի «չաթ» կամ նամակ պատուհանները ի վերջո sms հաղորդագրությունների վերջը կտան: SMS-ն ունի նաև իր վիրտուալ պատկերը` թվիթերը:

Ինտերնետ-կախվածություն կամ ինտերնետամոլություն

3DNewscomm — Sat, 17 Mar 2012 22:16:28 GMT

3DNews ՏՏ Լրատվական - Ինտերնետից կախվածություն ձեռք բերելը նշանակում է, որ մարդու մոտ ամեն օր, տարբեր ժամերի (հնարավոր է ամեն օր նույն ժամին, կամ էլ ընդհանրապես) անհաղթահարելի ցանկություն է առաջանում մտնել ինտերնետ, ստուցել էլեկտրոնային-փոստը և այլն:

Ժամանակի ընթացքում ինտերնետ-կախվածությունը դառնում է կենսական պահանջմունք, և մարդը ուղղակի այլևս չի կարողանում պայքարել այդ գայթակղիչ ցանկության դեմ: Ինտերնետ-կախվածությունը լուրջ վտանգ է ներկայացնում մարդու առողջության և նյարդային համակարգի համար:

Ինտերնետ-կախվածությամբ տառապողները շատ դրական էմոցիաներ են ստանում ինտերնետ դուրս գալուց առաջ և ցանցում գտնվելու ընթացքում: Այդ մարդիկ զգում են, որ Ինտերնետը բերում է պրոբլեմների ինչպես ընտանիքում, այնպես էլ աշխատանքի վայրում , սակայն փորձում են չմտածել դրա մասին: Դեռ 1994 թվականին հայտնի հոգեբան $CUT$Կիմբերլի Յանգը ձևակերպում է ինտերնետ կախվածության 4 հատկանիշ.

Անդադար ու պարտադրված ցանկություն ստուգել էլեկտրոնային փոստը (E-mail)
Մշտականցանկություն ու սպասողական վիճակ, թե երբ եք նորից մտնելու ինտերնետ
Շրջապատիդժգոհությունը, որ շատ ժամանակ եք անցկացնում ինտերնետում
Շրջապատի դժգոհությունը, որշատ փող եք ծախսում ինտերնետում
Մեկ այլ հոգեբան Իվան Գոլդբերգը, որ 1995 թվականին մտցրել է ինտերնետ-կախվածություն տերմինը առաջարկում է ինտերնետամոլության հետևյալ հատկանիշները, որոնցից գոնե 3-ի դեպքում դուք տառապում եք ինտերնետ-կախվածությունով.

1. Հանդուրժողականություն
Աճում է ինտերնետում գտնվելու ժամանակը
Բավարարվածությունը նվազում է երբ ինտերնետում գտնվելու ժամանակը չի աճում:
2. Ձախողման սինդրոմ
ա) Ինտերնետում գտնվելու ժամանակը կրճատելուց հետո ի հայտ են գալիս հետևվյալ ախտանիշները, որոնք զաքրգանում ենժամանակի ընթացքում.
Անհանգստություն, եւ գրգռվածություն:
Մտքերն այն մասին, թե ինչ էկատարվում Ինտերնետում:
Երևակայություններ կամ երազանքներ ինտերնետի մասին:
Անընդհատ շարժվելի ցանկություն, հանգիստ նստելու անկարողություն
Կամավոր կամ ակամա մատների շարժումներ, որոնք հիշեցնում տպագրելը ստեղնաշարի վրա:
Սոցիալական, մասնագիտական կամ այլ գործունեության նվազեցում կամ խախտում:
բ) Ինտերնետի օգտագործումն թույլ է տալիս խուսափել վերը նշված հատկանիշները:
3. Ինտերնետն օգտագործվում է ավելի մեծ ժամանակահատվածում քան նախատեսված էր:
4.Կա մշտական ցանկություն կամ անհաջող ջանքերը դադարեցնել կամ սկսել վերահսկել Ինտերնետի օգտագործումը:
5. Աճում է Ինտերնետի հետ կապված գործունեություն ժամանակը ՝ գրքերի գնում Ինտերնետի մասին, նոր պրովայդերների որոնում և այլն:
6. Նշանակալից վաղ գործունեությունը և հանգիստը դադարում է կամ նվազեցվում է Ինտերնետի օգտագործման պատճառով:
7. Ինտերնետի օգտագործումը շարունակվում է `չնայած ֆիզիկական, սոցիալական, մասնագիտական, կամ հոգեբանական խնդիրների մասին իմացության , որոնք առաջանում են Ինտերնետի օգտագործումից: Օրինակ՝ քնի պակասը, ընտանեկան խնդիրները, ուշացումներ նախատեսված առավոտյան հանդիպումներին, կամ սիրելիների կողմից լքվածություն զգացումը:

Համապատասխանաբար, ըստ չափորոշիչների, ինտերնետ-կախվածությամբ տառապող մարդ է համարվում նա, ով ինտերնետ ցանցում անց է կացնում օրվա 6 ժամը, եւ 3 ամսվա մեջ նկատվում է թվարկված ախտանշաններից մեկը: Բուժումը տևում է 3 ամիս:

Հ.Գ. Ինտերնետ-կախվածություն բուժող կլինիկաներ Հայաստանում չկան: Իսկ այն երկրներում, որտեղ կան, բուժման մեթոդները շատ դաժան են ու ամենեւին էլ` ոչ վիրտուալ. Էլեկտրաշոկ, Էլեկտրաջղաձգային թերապիա եւ էլի շատ վախենալու բաներ:

Samsung Galaxy S III-ը կլինի ամենաբարակը «գալակտիկական» սմարթֆոնների շարքում

3DNewscomm — Wed, 08 Feb 2012 15:57:08 GMT

3DNews ՏՏ Լրատվական - Samsung ընկերության նոր՝ Galaxy S III սմարթֆոնի հայտնության և նրա տեխնիկական նկարագրության թեմաներով տեղեկությունները շարունակում են ուշադրության կենտրոնում մնալ համացանցում: Samsung-ը պաշտոնապես հայտարարել է, որ Galaxy S III սմարթֆոնը մինչև ամառ կհրապարակվի և ընկերությունը անիմաստ է համարել սմարթֆոնը ներկայացնել Mobile World Congress 2012-ում:
Մինչ ընկերության այս հայտարարության, ETNews-ը տեղեկացրել է, որ Galaxy S III-ը կհրապարակվի մայիսին: Այն տեղեկացրել է նաև, որ Samsung Galaxy S III-ը կլինի ամենաբարակ սմարթֆոնը՝ «գալակտիկական» սմարթֆոնների շարքում, որի բարակությունը՝ ի տարբերություն իր նախորդ մոդել՝ Galaxy S II-ի (որի բարակությունը 8,5 մմ է), կկազմի ընդամենը 7 մմ:

Սմարթֆոնը կաշխատի Android 4.0 օպերացիոն համակարգով, համալրված կլինի 8 մեգապիքսել թույլատվությամբ հետային և 2 մեգապիքսել թույլատվությամբ դիմային տեսախսիկներով: ETNews վեբ-ռեսուրսը հաղորդում է, որ մոդելը կունենա HD Super-AMOLED էկրան, որը ապահովված կլինի 3D մոդուլով: $CUT$

Google-ը թողարկել է իր Chrome բրաուզերը Android 4.0 օպերացիոն համակարգի համար

3DNewscomm — Wed, 08 Feb 2012 15:00:32 GMT

3DNews ՏՏ Լրատվական - Google ընկերությունը իր պաշտոնական բլոգում հայտարարել է՝ իր Chrome բրաուզերի նոր տարբերակի մասին, նախատեսված այն բոլոր սմարթֆոնների և պլանշետների համար, որոնք աշխատում են Android 4.0 Ice Cream Sandwich օպերացիոն համակարգով:

Բրաուզերը հնարավոր կլինի ներբեռնել Android Market օնլայն խանութում: Chrome-ի բջջային տարբերակը արդեն բավականին հայտնի է բոլորին այնպես, ինչպես նրա համարակգչային տարբերակը: Ըստ անցյալ տարվա վիճակագրական տվյալների՝ ամբող աշխարհում ակտիվացրած Android օպերացիոն համակարգերով սարքավորումների ընդհանուր թիվն արդեն գերազանգել է 250 միլիոնը:

Google Chrome-ը ակտիվորեն ներգրավում է այլ բրաուզերների օգտագործողներին 2008 թվականից սկսած: Այժմ՝ ըստ StatCounter-ի վիճակագրական տվյալների, Chrome-ը զիջում է Mozilla Firefox-ին և Internet Explorer-ին, սակայն աստիճանաբար ավելացնում է բրաուզերների շարքերում իր մասնաբաժինը:

Նոր՝ Canon PIXMA Office անլար բազմաֆունկցիոնալ սարքն ընդամենը $80 արժողությամբ

3DNewscomm — Wed, 08 Feb 2012 14:59:39 GMT

3DNews ՏՏ Լրատվական - Ամերիկյան Canon ընկերությունը իր բազմաֆունկցիոնալ գրասենյակային սարքերի շարքում ավելացրեց ևս երեք PIXMA Office գրասենյակային սարքեր՝ MX512 Wireless, MX432 Wireless և MX372 մոդելներով: Այս բոլոր բազմաֆունկցիոնալ սարքերն ունեն մի քանի ֆունկցիոնալ հնարավորություն, որոնցից են՝ պրինտի, սկանի և ֆաքսի հնարավորությունները:

Արտադրող ընկերությունը նշում է PIXMA Office-ի մի շարք առանձնահատկությունների մասին: Սարքն ունի Canon Easy-PhotoPrint համակարգ՝ շարժական սարքերի համար (սմարթֆոնների, պլանշետների), որի միջոցով հնարավոր է ուղարկել փաստաթղթերը Wi-Fi-ի միջոցով iOS կամ Android օպերացիոն համակարգով աշխատող սարքերին:

Այս նույն գործընթացը հնարավոր է նաև հակառակ ուղղությամբ (սմարթֆոնից ուղարկել սարքին): Բացի այդ, կա նաև հնարավորություն PDF ֆորմատի ֆայլերի անմիջական տպագրում: PIXMA Office գրասենյակային սարքերի բոլոր երեք մոդելները ունեն նույն՝ 4800 х 1200 պիքսելային թույլատվությունը: PIXMA MX512 Wireless $CUT$Office մոդելը ունի 2.5 դյույմանոց հեղուկբյուրեղային էկրան և 9,7 էջի տպագրության արագություն մեկ րոպեի ընթացքում (սև-սպիտակ ռեժիմում), իսկ գունավոր ռեժիմում՝ 5,5 էջի տպագրության արագություն: Այս մոդելի այժեքն է՝ $150:

$100 արժողությամբ PIXMA MX432 Wireless Office մոդելն ունի նույն էջի տպագրության արագությունը, ինչը որ նախորդ մոդելը, սակայն սա չունի էկրան և մի շարք հնարավորություններ: Իսկ վերջին մոդելը՝ PIXMA MX372 Office-ը՝ գունավոր ռեժիմում՝ 5 էջի տպագրության արագությամբ և սև-սպիտակ ռեժիմում 8 էջի տպագրության արագությամբ արժե $80:

Հայտնի է դարձել, թե ինչու՞ է iPhone-ի բոլոր գովազդային նկարներում 9:42 ժամը գրված

3DNewscomm — Wed, 08 Feb 2012 14:58:35 GMT

3DNews ՏՏ Լրատվական - Շատերի մոտ՝ ովքեր օգտագործում են iPhone, կամ հետաքրքրված են iPhone-ով, վաղուցվանից հարց է առաջացել - ինչու՞ է iPhone-ի բոլոր գովազդային նկարներում 9:42 ժամը գրված: Redmondpie.com կայքը տեղեկացնում է այն հարցի պատասխանի մասին, որը շատ մարդկանց հետաքրքիր է:

Ինչպես նշել է Apple ընկերության նախկին աշխատակից Բոբ Բորչերը`իրականում դա այնքան էլ խորհրդանշական բնույթ չի կրում: «iPhone-ի առաջին ներկայացման ժամանակ, երբ ցուցադրվել էր հեռախոսի կոնցեպտը, անհրաժեշ էր ինչ-որ ժամ գրված լիներ և պատահականորեն գրվել է 9:42-ը» - ասել է նա:
Միլիոնավոր iPhone-ի օգտագործողներ հիասթափություն են ապրել այս ամենը լսելուց հետո, քանի որ նրանք ավելի յուրահատուկ պատասխանի են սպասել երկար ժամանակ: Այս նույն երևույթը կարելի է նկատել նաև iPad-ների և iPod-ների նկարներում, որտեղ նույնությամբ նշված է 9:42 ժամը:

Google-ը ներկայացրեց իր Bouncer հակավիրուսային համակարգը

3DNewscomm — Wed, 08 Feb 2012 14:57:37 GMT

3DNews ՏՏ Լրատվական - Google ընկերությունը հայտարարել է Bouncer հակավիրուսային համակարգի մասին, որի նպատակը վիրուսների ստուգումն ու չեզոքացումն է: Bouncer հակավիրուսային համակարգը կստուգի վիրուսների և վնասակար տարրերի առկայությունը Android Market-ում:

Android-ի պայթյունավտանգ զարգացումը նպաստում է վիրուսների բազմացմանը: Վիրուսներ և վնասակար ծրագրեր համարյա ամենուր են և Google-ի միակ նպատակն է՝ մեծացնել Android Market-ի ծրագրերի ապահովությունը: Եվ հենց այդ ապահովություննել պահպանելու նպատակով Google-ը ստեղծել է Bouncer հակավիրուսային համակարգը, որը տեղակայված է լինելու Android Market-ի համակարգում:

Անցյալ տարի Android Market-ի վնասակար ծրագրերի բեռնումների քանակը նվազել է 40 %-ով և Google ընկերությունը մտադիր է այդ արդյունքը բարձրացնել Bouncer հակավիրուսային համակարգի միջոցով: $CUT$

Nokia 701-ի և 603-ի համար արդեն հասանելի է Skype 2.1-ը

3DNewscomm — Wed, 08 Feb 2012 14:56:19 GMT

3DNews ՏՏ Լրատվական - Skype-ի ամենահայտնի ծառայությունը՝ VoIP-ն ստացել է թարմացում այն սմարթֆոնների համար, որոնք աշխատում են Symbian օպերացիոն համակարգով: Ըստ մշակողների հաղորդման, այս թարմացումը առաջին հերթին վերաբերվում է Nokia 701-ին և 603-ին:

Քանի որ այս սմարթֆոններում Skype ծրագիրը շատ թերություններ ուներ, որոնք շտկվել են:Ըստ ընկերության, այժմ Skype 2.1-ի ինտերֆեյսը Symbian Belle-ի բոլոր սմարթֆոնների էկրաններին կցուցադրվի ճշգրիտ: Ընկերությունը շտկել է ծրագրի բոլոր այն թերությունները, որոնց հետ օգտագործողները բախվել են:
Նշվում է նաև, որ ծրագրի մշակողները արդեն ավարտել են՝ անվճար ծառայողական զանգեր կատարելու հնարավորության մշակումը ծրագրի ներսում, որը հնարավոր է 3G ցանցի և Wi-Fi-ի հնարավորությամբ: Skype 2.1-ը ունի և' վճարովի, և' անվճար տարբերակներ: Իսկ ծրագրի անվճար տարբերակը հասանելի է OVI Store-ում: $CUT$

Casio ընկերության նոր՝ EXILIM EX-ZR20 «սուպերարագագործ» թվային ֆոտոխցիկը

3DNewscomm — Wed, 08 Feb 2012 14:55:19 GMT

3DNews ՏՏ Լրատվական - Casio ընկերությունը հայտարարել է իր նոր՝ EXILIM EX-ZR20 «սուպերարագագործ» թվային ֆոտոխցիկի մասին: Այն ընկերության՝ EXILIM մոդելի ամենաարագագործ թվային ֆոտոխցիկն է: Ֆոտոնկարահանման ժամանակ կադրերի միջև եղած ընդմիջումները կազմում են 0.26 վայրկյան:

Casio EXILIM EX-ZR20-ն ունի բավականին փոքր չափսեր՝ 100 x 59 x 26 մմ և 166 գրամ քաշ: Այն հագեցած է 3 դյույմանոց CMOS սենսորով՝ 16 Մեգապիքսել թույլտվությամբ: Ֆոտոխցիկը ունի 8x օպտիկական մոտեցման հնարավորություն (Zoom): Այս նորույթի «սիրտը» ընկերության արտադրած՝ EXILIM Engine HS պրոցեսորն է:

Սարքը համալրված է USB 2.0 ինտերֆեյսով, HDMI հնարավորությամբ, NP-110 լիթիում-իոնային մարտկոցով, լուսանկարների PictBridge անմիջական տպագրության հնարավորությամբ: Եվրոպայում՝ EXILIM EX-ZR20 ֆոտոխցիկը կսկսի վաճառքը ընթացիկ տարվա ապրիլին, և մեծածախ գինը կարժենա 280 € (Եվրո):

Թողարկվել է Facebook հավելվածի թարմացումը Android-ի համար

3DNewscomm — Wed, 08 Feb 2012 14:54:31 GMT

3DNews ՏՏ Լրատվական - Facebook ընկերությունը թողարկել է իր հավելվածի թարմացումը միայն Android օպերացիոն համակարգի համար: Մշակողների խոսքերով, այս նոր թարմացումը իր մեջ ունի ո'չ միայն այն սխալների ուղղումը, այլ նաև ունի շատ նոր կատարելագործված հնարավորություններ:

Նոր թարմացումի մեջ ավելի հեշտ է մեկ այլ գործողությունից անցնել մյուսին, բացել մի քանի էջ և յուրաքանչյուր էջից հեշտությամբ տեղափոխվել մյուս էջերին: Պարզեցված է ընկերներին փնտրելու համակարգը, բաժանորդագրված օգտագործողներին տեսնլու և անձնական էջերը դիտելու հնարավորությունը: Ընկերությունը հատուկ ուշադրություն է դարձրել լուսանկարների դիտարկիչի մշակման գործընթացին:
Android օպերացիոն համակարգով կառավարվող բոլոր սմարթֆոնների և պլանշետների օգտագործողները հնարավորություն կունենան լուսանկարները մեծացնելու և փոքրացնելու, և այդ ամենը շնորհիվ լուսանկարների նոր դիտարկիչի: Բացի այդ, հավելվածում մշակվել է նոր համակարգ, որը օգտագործողներին տեղեկացնում է $CUT$բոլոր իրադարձությունների մասին իրական ժամանակում: Facebook-ի այս թարմացումը Android օպերացիոն համակարգի համար հասանելի է Android Market-ում որպես անվճար հավելված և լիովին համատեղելի է Android-ի բոլոր տարբերակների հետ, սկսած Android 2.0-ից:

Google-ը հրապարակել է իր Chrome դիտարկիչի DEV 18-րդ տարբերակը

3DNewscomm — Wed, 08 Feb 2012 14:52:50 GMT

3DNews ՏՏ Լրատվական - Google Chrome-ը ամենատարածված և բավականին մրցունակ դիտարկիչներից մեկն է: Մի քանի օր առաջ հայտնի դարձավ, որ Chrome-ը՝ իր վիճակագրական տվյալներով Ռուսաստանում առաջ է անցել մնացած դիտարկիչներից՝ Firefox-ից, Safari-ից և Opera-ից:

Այժմ, դեռ չանցած երկու օր Chrome դիտարկիչի նախորդ տարբերակի հրապարակումից, մշակողները հաղորդեցին նրա նոր տարբերակի մասին: Chrome-ի 18-րդ տարբերակը հիմնված է աշխատանքի կայունության հիման վրա: Մշակողների նկարագրությամբ՝ դիտարկիչում շտկված են՝ նախորդ տարբերակներից մնացած բոլոր սխալներն ու թերությունները:

Այժմ դիտարկիչն ունի կարգավորումների ավելի շատ հնարավորություններ: Նշենք, որ դիտարկիչի այս տարբերակը արդեն հասանելի է նաև Linux Օպերացիոն համակարգի համար: Google Chrome-ի DEV 18.0.1025.3-րդ տարբերակը կարող եք բեռնել դիտարկիչի պաշտոնական կայքից:

Խաղային նոութբուք՝ Alienware M18x R2-ը կունենա «Հզոր» գրաֆիկա

3DNewscomm — Wed, 08 Feb 2012 14:50:35 GMT

3DNews ՏՏ Լրատվական - Բոլորին արդեն հայտնի է, որ Dell ընկերությունը պատրաստվում է արագագործ խաղային նոութբուքերի արտադրությունը սկսել՝ Alienware ֆիրմային անվան տակ: Խոսքը ընկերության՝ Alienware M18x R2 արագագործ խաղային նոութբուքի մասին է:

Այն ունի 18,4 դյույմանոց հեղուկբյուրեղային էկրան: Ըստ ստացված հաղորդագրության, նոր արտադրանքի հզոր գրաֆիկական քարտը կլինի NVIDIA-ից: Մասնավորապես նշվում է, որ գնորդները կկարողանան պատվիրել մոդելը GeForce GTX 660M և GeForce GTX 675M գրաֆիկական քարտերով և մեկ զույգ Radeon HD 7970M արագացուցիչով:
Բացի այդ, այս արագագործ խաղային նոութբուքի «սիրտը» կլինի Intel ընկերության նոր սերնդի Ivy Bridge պրոցեսորը: Նոութբուքի մասին դեռ ամբողջական ինֆորմացիան հասանելի չէ, մնում է սպասել պաշտոնական ներկայացմանը, որից հետո էլ հայտնի կլինի նրա տեխնիկական ամբողջ նկարագրությունը: $CUT$

Fujitsu-ն հրապարակեց իր նոր Stylistic M350/CA2 կորպորատիվ պլանշետը

3DNewscomm — Wed, 08 Feb 2012 14:49:35 GMT

3DNews ՏՏ Լրատվական - Fujitsu ընկերությունը հայտարարել է իր նոր պլանշետի հրապարակման մասին Ճապոնական համակարգիչների շուկայում: Խոսքը ընկերության նորույթի՝ Stylistic M350/CA2 կորպորատիվ պլանշետի մասին է: Նորույթը աշխատում է Android օպերացիոն համակարգով:

Այն տարբերվում է մյուս պլանշետներից իր կոմպակտ չափսերով՝ 120 x 200 x 14 մմ և 420 գրամ քաշով: Պլաշետն ունի 7" դյույմանոց էկրան և 1024 х 600 պիկսելների թույլատվություն: Ունի անլար կապի IEEE 802.11b/g/n վերահսկիչ, Bluetooth 2.1 և մինի-HDMI: Մարտկոցի էներգիայի պահպանությունը այնքանել տպավորիչ չէ, կազմում է ընդամենը՝ 6 ժամ:

Պլանշետը՝ ըստ ընկերության մշակողների, նախատեսված է խանութներում որպես կատալոգ լինելու համար, ուսումնական հաստատություններում դասախոսություններ կարդալու համար և այլն: Fujistu Stylistic M350/CA2 պլանշետը Ճապոնական շուկայում հասանելի կլինի այս տարվա փետրվարի վերջին: Պլանշետի գնի մասին դեռ տեղեկություններ չկան: $CUT$

Լոնդոնում կտեղադրվեն մեծ էկրանով և Wi-Fi-ի հնարավորությամբ աղբարկղեր

3DNewscomm — Wed, 08 Feb 2012 14:48:15 GMT

3DNews ՏՏ Լրատվական - Օլիմպիական խաղերի կապակցությամբ, որոնք տեղի են ունենալու Լոնդոնում 2012 թվականի ամռանը, կտեղադրվեն մեծ էկրանով և Wi-Fi-ի հնարավորությամբ աղբարկղեր: Աղբարկղերը իրենց էկրաններին կցուցադրեն բոլոր ոլորտներից պարբերաբար թարմացվող նորությունները:

Renew Bin ընկերության այս աղբարկղերը, որոնք ունեն Wi-Fi-ի հնարավորություն, կնպաստեն քաղաքի տարածքում անլար ինտերնետ - ցանցի արագ տարածմանը: Ըստ աղբարկղերի տեղադրող Renew ընկերության տվյալների՝ յուրաքանչյուր աղբարկղի տեղադրումն արժե մոտ 30 000 ֆունտ-ստերլինգ (մոտավորապես $47 հազար): Մինչ Օլիմպիական խաղերի սկզբին ախատեսված 75 աղբարկղերի մեկ երրորդն արդեն տեղադրված է:
Այս աղբարկղները տեղադրված կլինեն երկար ժամանակով, քանի որ պայմանագիրը ընկերության և պետության միջև կնքվել է 21 տարով: Աշխարհի խոշորագույն քաղաքները հետաքրքրված են այդ աղբարկղներով և հետագայում դրանք կտեղադրվեն նաև Նյու Յորքում, Տոկիոյում և Սինգապուրում: $CUT$

Google-ն իր օգտագործողների անվտանգության նոր քաղաքականության իրագործումը կհետաձգի

3DNewscomm — Wed, 08 Feb 2012 14:47:21 GMT

3DNews ՏՏ Լրատվական - Google-ն իր օգտագործողների անվտանգության նոր քաղաքականության իրագործումը կհետաձգի Եվրամիութան խնդրանքով: Cybersecurity.ru-ն գրում է, որ Google-ի այս հետաձգման գործողությունը մի շարք մասնագետների մոտ քննադատություն է առաջացրել:

Լարի Փեյջը՝ Google-ի գլխավոր տնօրենը, նամակ է ստացել Article 29 աշխատանքային խումբի կողմից, որը ներկայացնում է տվյալների անվտանգության հարցերով Եվրամիության փորձագետների խումբը: Նամակում խնդրում են ավելի մանրամասն բացատրել փոփոխությունների անհրաժեշտությունը:

Կոնգրեսականների կարծիքով, այդ կերպ օգտագործողները դե ֆակտո կորցնում են իրենց տվյալների վրա վերահսկողությունը: Google-ը հայտարարել է, որ անպայման կպատասխանի Եվրամիության ուղարկած նամակին, բայց չի հետաձգի նորմերի կիրառումը, քանի որ «հետաձգումը խնդիրներ կառաջացնի ծառայությունների աշխատանքում»: